9 مئی مقدمے میں شاہ محمود قریشی کی بریت لاہور ہائیکورٹ میں چیلنج

لاہور: 9 مئی مقدمے میں شاہ محمود قریشی کی بریت کو لاہور  ہائیکورٹ میں چیلنج کردیا گیا۔

نجی ٹی وی کے مطابق  پراسیکیوشن نے شاہ محمود قریشی کی بریت کے خلاف لاہور ہائیکورٹ میں اپیل دائر کی جس میں استدعا کی گئی ہے کہ شاہ محمود قریشی کی بریت کو کالعدم قرار دیا جائے۔ 

پراسیکیوشن کی درخواست میں کہا گیا ہے کہ ٹرائل کورٹ نے شاہ محمود کے خلاف حقائق کا درست جائزہ نہیں لیا۔ شاہ محمود قریشی کو ٹرائل کورٹ نے حقائق کے برعکس بری کیا،

واضح رہے کہ انسداد دہشتگردی عدالت نے اگست 2025 میں شاہ محمود قریشی کو 9 مئی مقدمات سے بری کردیا تھا۔