پنڈی ٹیسٹ:پاکستان نے بغیر کسی نقصان کے 32 رنز بنا لیے

راولپنڈی: پاکستان اور جنوبی افریقہ کے درمیان دوسرے اور آخری ٹیسٹ میچ میں قومی ٹیم نے پہلی اننگز میں بغیر کسی نقصان کے 32 رنز بنا لیے ہیں۔

راولپنڈی کرکٹ اسٹیڈیم میں ہونے والے میچ میں پاکستان کے کپتان شان مسعود نے ٹاس جیت کر پہلے بیٹنگ کا فیصلہ کیا۔ قومی ٹیم کی جانب سے عبداللہ شفیق اور امام الحق نے اننگز کا آغاز کیا۔

شان مسعود کے مطابق آج کے میچ کے لیے ٹیم میں ایک تبدیلی کی گئی ہے، حسن علی کو آرام دیا گیا ہے جبکہ آصف آفریدی کو شامل کیا گیا ہے۔ آصف آفریدی 39 سال 299 دن کی عمر میں ٹیسٹ ڈیبیو کر رہے ہیں، جنہیں شاہین آفریدی نے ٹیسٹ کیپ دی۔

جنوبی افریقا کے کپتان ایڈن مارکرم نے کہا کہ اگر ہم ٹاس جیتتے تو بیٹنگ ہی کرتے۔ ان کے مطابق ٹیم میں دو تبدیلیاں کی گئی ہیں، کیشو مہاراج اور مارکو جینسن کو فائنل الیون میں شامل کیا گیا ہے۔

یاد رہے کہ دو ٹیسٹ میچوں کی سیریز میں پاکستان کو ایک صفر کی برتری حاصل ہے۔ لاہور ٹیسٹ میں پاکستان نے جنوبی افریقہ کو 93 رنز سے شکست دی تھی۔