ڈپلومیٹک پاسپورٹ کیس: سردار تنویر الیاس کو حاضری سے استثنیٰ

اسلام آباد: ڈسٹرکٹ اینڈ سیشن کورٹ میں سابق وزیراعظم آزاد کشمیر سردار تنویر الیاس کے خلاف ڈپلومیٹک پاسپورٹ کے استعمال کے کیس کی سماعت ہوئی، جس میں عدالت نے حاضری سے استثنیٰ کی درخواست منظور کرلی۔

جوڈیشل مجسٹریٹ احمد شہزاد گوندل نے کیس کی سماعت کی۔ سماعت کے دوران سردار تنویر الیاس کی عدالت میں عدم دستیابی کے باعث استغاثہ کے گواہان کی شہادتیں ریکارڈ نہ ہو سکیں۔

عدالت نے استغاثہ کے گواہان کو آئندہ سماعت پر دوبارہ طلب کرلیا اور کیس کی مزید سماعت 31 اکتوبر تک ملتوی کر دی۔