وزارتِ داخلہ اور ٹیکنیکل ٹیم پر مشتمل پاکستانی وفد کابل پہنچ گیا

سفارتی ذرائع کے مطابق پاکستان کا اعلیٰ سطحی تکنیکی وفد کابل پہنچ گیا ہے، وفد کا دورہ حالیہ پاک افغان کشیدگی سے قبل طے شدہ تھا۔

ذرائع کا کہنا ہے کہ وفد وزارتِ داخلہ کے نمائندوں، متعلقہ حکام اور ٹیکنیکل ٹیم پر مشتمل ہے۔ تاہم وفد کی افغان طالبان حکام سے ملاقاتیں طے نہیں ہیں۔

سفارتی ذرائع کے مطابق اس دورے کا حالیہ پاک افغان جھڑپوں، سرحدی تناؤ، عبوری جنگ بندی یا مذاکرات سے کوئی تعلق نہیں۔

ذرائع نے بتایا کہ وفد کا زیادہ تر کام کابل میں پاکستانی سفارتخانے کے اندر ہوگا، جہاں وہ ویزا نظام میں اصلاحات اور تکنیکی امور کا جائزہ لے گا۔