پاکستان میں مہنگائی سنگل ڈیجٹ پر آچکی ہے: وزیر خزانہ

وفاقی وزیر خزانہ محمد اورنگزیب نے کہا ہے کہ پاکستان نے معاشی استحکام کے سفر میں نمایاں کامیابیاں حاصل کی ہیں، اور مہنگائی کی شرح اب سنگل ڈیجٹ میں آگئی ہے۔

چینی میڈیا کو دیے گئے انٹرویو میں وزیر خزانہ نے بتایا کہ ملک کے زرمبادلہ ذخائر میں استحکام آیا ہے، جو اڑھائی ماہ کی درآمدات کے لیے کافی ہیں۔ انہوں نے کہا کہ پاکستان کی معاشی پالیسیوں کو عالمی سطح پر بھی سراہا گیا ہے۔

محمد اورنگزیب کے مطابق تین بڑی بین الاقوامی ریٹنگ ایجنسیوں نے پاکستان کی کریڈٹ ریٹنگ میں بہتری کی ہے۔ گزشتہ مالی سال کے دوران ملکی جی ڈی پی میں 3 فیصد اضافہ ہوا جبکہ رواں مالی سال 4 فیصد سے زائد ترقی کا ہدف رکھا گیا تھا۔

وزیر خزانہ نے اعتراف کیا کہ حالیہ سیلاب سے کچھ ترقی متاثر ہوسکتی ہے تاہم حکومت پرامید ہے کہ رواں مالی سال 3.5 فیصد شرحِ نمو حاصل کر لی جائے گی۔

انہوں نے کہا کہ سی پیک کے دوسرے مرحلے میں نمایاں پیشرفت ہوئی ہے، اور حال ہی میں بیجنگ میں 24 مشترکہ منصوبوں پر معاہدے طے پائے ہیں جن سے سرمایہ کاری کے نئے مواقع پیدا ہوں گے۔