خیبرپختونخوا نےبلٹ پروف گاڑیاں ٹھکرا دیں،بلوچستان نےلینے کی پیشکش کردی

کوئٹہ: پولیس کی بلٹ پروف گاڑیوں پر وفاق اور خیبرپختونخوا کے درمیان جاری تنازع میں بلوچستان حکومت بھی سامنے آگئی ہے۔

وزیراعلیٰ بلوچستان نے مؤقف اختیار کیا ہے کہ صوبہ خیبرپختونخوا کی طرح بلوچستان بھی دہشتگردی سے شدید متاثر ہے، اگر کے پی حکومت بلٹ پروف گاڑیاں نہیں لے رہی تو وہ بلوچستان کو فراہم کر دی جائیں۔

وزیراعلیٰ نے کہا کہ صوبے میں دہشتگردی کے خلاف کارروائیوں کے لیے اضافی حفاظتی سامان کی اشد ضرورت ہے تاکہ فورسز کے تحفظ کو یقینی بنایا جا سکے۔

واضح رہے کہ وفاقی وزارتِ داخلہ نے خیبرپختونخوا پولیس کے لیے بلٹ پروف گاڑیاں فراہم کی تھیں، تاہم وزیراعلیٰ خیبرپختونخوا سہیل آفریدی نے انہیں ناقص قرار دیتے ہوئے واپس کرنے کی ہدایت کی تھی۔