بحیرہ عرب،پاکستان نیوی نے اربوں روپے مالیت کی منشیات پکڑ لی

پاکستان نیوی نے بحیرہ عرب میں ایک کامیاب آپریشن کے دوران تقریباً 1 ارب ڈالر مالیت کی منشیات ضبط کر کے عالمی سطح پر اپنی صلاحیتوں کا لوہا منوا لیا۔

امریکی سینٹرل کمانڈ (سینٹ کام) نے اس کامیاب کارروائی پر پاک بحریہ کو خراج تحسین پیش کیا۔ سینٹ کام کے مطابق یہ کارروائی سعودی قیادت میں قائم مشترکہ ٹاسک فورس 150 سے منسلک پی این ایس یرموک نے انجام دی۔

48 گھنٹوں کے اندر پاکستان نیوی نے دو مشتبہ کشتیوں سے دو ٹن کرسٹل میتھ، 350 کلو گرام آئس اور 50 کلو گرام کوکین برآمد کی، جس کی مجموعی مالیت تقریباً 97 کروڑ 24 لاکھ ڈالر بنتی ہے۔

سعودی رائل نیوی کے کمانڈر فہد الجوید نے اس کامیاب کارروائی کو عالمی تعاون کی بہترین مثال قرار دیا۔