باجوڑ میں سکیورٹی فورسز کا کامیاب آپریشن،ایک خوارجی ہلاک

باجوڑ: سکیورٹی فورسز نے باجوڑ کے شاہی تنگی جنگل میں خوارجی دہشت گردوں کے ٹھکانوں اور سرنگوں کے خلاف کامیاب آپریشن کیا ہے۔ ذرائع کے مطابق کارروائی کے دوران شدید فائرنگ کا تبادلہ ہوا، جس کے نتیجے میں ایک خوارجی ہلاک جبکہ دیگر زخمی حالت میں فرار ہو گئے۔

سکیورٹی فورسز نے علاقے میں موجود سرنگیں اور دیگر مقامات کلئیر کر دیے ہیں اور خوارجیوں کے زیر استعمال اسلحہ، بارودی مواد اور مواصلاتی آلات برآمد کر لیے ہیں۔

پاک فوج اور دیگر سکیورٹی ادارے ملک سے دہشت گردی کے ناسور کو ختم کرنے کے لیے پرعزم ہیں اور آپریشنز جاری رکھیں گے۔