ڈی جی آئی ایس پی آر کا غلام اسحاق خان انسٹیٹیوٹ ٹوپی کا دورہ

ٹوپی  ،ڈی جی آئی ایس پی آر نے غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی، ٹوپی (صوابی) کا دورہ کیا، جہاں انہوں نے طلبہ و اساتذہ سے حالیہ پاک افغان سرحدی جھڑپ، ملکی سکیورٹی صورتحال اور سوشل میڈیا کے کردار پر تفصیلی گفتگو کی۔

ڈی جی آئی ایس پی آر نے واضح کیا کہ پاکستان نے افغانستان میں موجود خوارج کے نیٹ ورکس کے خلاف مؤثر اقدامات کیے ہیں، اور آئندہ بھی پاک فوج ہر دشمن کی جارحیت کے خلاف سیسہ پلائی دیوار ثابت ہوگی۔

ان کا کہنا تھا کہ نوجوان قوم کا قیمتی سرمایہ ہیں اور ملک کی ترقی و خوشحالی میں نوجوانوں کا کردار کلیدی اہمیت رکھتا ہے۔

یونیورسٹی کے طلبہ و اساتذہ نے شہداء اور غازیانِ پاک فوج کو زبردست خراجِ تحسین پیش کیا۔
طلبہ کا کہنا تھا کہ ایسی بامقصد نشستیں تسلسل سے منعقد کی جانی چاہئیں تاکہ ڈس انفارمیشن اور پروپیگنڈے کا مؤثر سدباب کیا جا سکے۔

طلبہ نے کہا کہ قوم، امن کے قیام اور ملکی ترقی میں پاک فوج کے کردار کو قدر کی نگاہ سے دیکھتی ہے، جبکہ دشمن کو بھرپور اور فیصلہ کن جواب دینے پر پوری قوم کو اپنی فوج پر فخر ہے۔

طلبہ نے اس موقع پر اپنے سوالات بھی پیش کیے جن کے ڈی جی آئی ایس پی آر نے تفصیلی جوابات دیے، جس سے ذہنوں میں موجود ابہام دور ہوئے۔