عمران خان کے ایکس اکاؤنٹ بند کرنے کی درخواست سماعت کیلئے مقرر

اسلام آباد ہائی کورٹ نے عمران خان کے سابق ٹوئٹر (ایکس) اکاؤنٹ بند کرنے کی درخواست 4 نومبر کو سماعت کے لیے مقرر کر دی۔ درخواست غلام مرتضیٰ کی جانب سے وکیل بیرسٹر ظفر اللہ کے ذریعے دائر کی گئی ہے، جس میں عدالت سے مطالبہ کیا گیا ہے کہ عمران خان کے دوران قید ایکس اکاؤنٹ سے مبینہ بدنیتی پر مبنی پوسٹس ہٹائی جائیں اور مزید پھیلانے سے روکا جائے۔

رجسٹرار آفس نے کیس کی کاز لسٹ جاری کر دی ہے اور سماعت ارباب محمد طاہر کریں گے۔ عدالت نے بانی پی ٹی آئی کو نوٹس جاری کر کے جواب طلب کیا ہوا ہے، جبکہ نیشنل سائبر کرائم ایجنسی، سپرنٹنڈنٹ جیل اور دیگر متعلقہ فریقین سے بھی جواب مانگا گیا ہے۔