لکی مروت میں سکیورٹی فورسز کی کارروائی،8 خوارج ہلاک

لکی مروت: سکیورٹی فورسز نے خفیہ اطلاعات کی بنیاد پر خوارج کے خلاف کارروائی کرتے ہوئے 8 دہشت گرد ہلاک اور 5 کو شدید زخمی کر دیا۔

ذرائع کے مطابق یہ کارروائی 24 اکتوبر کو وانڈہ شیخ اللہ کے علاقے میں کی گئی، جس میں خوارج کو فرار ہونے کا موقع نہیں ملا۔ علاقے میں مزید دہشت گردوں کی موجودگی کے خدشات کے پیش نظر سرچ آپریشن جاری ہے۔

سکیورٹی ذرائع نے بتایا کہ نیشنل ایکشن پلان کے تحت آخری خوارجی کے خاتمے اور مکمل امن و امان کی بحالی تک کارروائیاں جاری رہیں گی۔

واضح رہے کہ گزشتہ روز ٹانک میں بھی سکیورٹی فورسز نے کارروائی کرتے ہوئے بھارتی سرپرستی یافتہ 8 خوارج کو ہلاک کیا تھا۔