مریم نواز کے اسٹاف کی کالعدم جماعت سے تعلق پر اسکریننگ شروع

مریم نواز کے سکیورٹی اسٹاف اور عملے کی کالعدم جماعت سے تعلق کی بنیاد پر اسکریننگ شروع

وزیر اعلیٰ پنجاب مریم نواز کے سکیورٹی اسٹاف اور دیگر عملے کی اسکریننگ شروع کر دی گئی ہے، جو جاتی عمرہ سے وزیراعلیٰ آفس تک کے تمام اہلکاروں پر نافذ ہے۔

پولیس ذرائع کے مطابق اسکریننگ نہ صرف سکیورٹی اہلکاروں بلکہ دیگر عملے پر بھی کی جا رہی ہے تاکہ کسی کا کالعدم مذہبی جماعت سے تعلق نہ ہو۔ تصدیق ہونے پر متعلقہ اسٹاف کو سکیورٹی ذمہ داریوں سے ہٹا دیا جائے گا۔

ذرائع کا کہنا ہے کہ یہ اسکریننگ حالیہ کالعدم مذہبی جماعت کے خلاف آپریشن کے بعد شروع کی گئی ہے۔ وزارت داخلہ نے ٹی ایل پی پر پابندی کا نوٹیفکیشن جاری کر دیا ہے، جس کی منظوری وفاقی کابینہ نے پنجاب حکومت کی سفارش پر دی تھی۔