پاک افغان مسائل کے حل میں مدد کر سکتے ہیں،فی الحال کوئی اقدام ضروری نہیں ہے

کوالالمپور: امریکی صدر ڈونلڈ ٹرمپ نے کہا ہے کہ وہ پاک افغان مسائل کے حل میں مدد کر سکتے ہیں، تاہم فی الحال کسی اقدام کی ضرورت محسوس نہیں کرتے۔

ملائیشیا کے دارالحکومت کوالالمپور میں جاری آسيان سمٹ سے خطاب کرتے ہوئے ٹرمپ نے کہا کہ تھائی لینڈ اور کمبوڈیا کی جنگ ان آٹھ جنگوں میں شامل ہے جو انہوں نے پچھلے آٹھ ماہ میں روکیں، اور ایک اور جنگ رکوانا باقی ہے۔

صدر ٹرمپ نے مزید کہا کہ انہیں معلوم ہوا ہے کہ پاکستان اور افغانستان کے درمیان دوبارہ مسائل شروع ہوگئے ہیں، اور وہ اس مسئلے کو حل کرنے کے لیے اقدامات کر سکتے ہیں۔

انہوں نے دونوں ممالک کی قیادت پر اعتماد ظاہر کرتے ہوئے کہا کہ پاکستان کے وزیراعظم اور فیلڈ مارشل اچھے لوگ ہیں اور ان کے ساتھ مل کر پاک افغان مسئلہ جلد اور بہترین طریقے سے حل کیا جا سکتا ہے۔