قرآنی تلاوت اور دعاؤں نے کینسر سے نجات دلا دی،ونیزہ احمد

کراچی: پاکستان کی معروف سابق ماڈل اور اداکارہ ونیزہ احمد نے بتایا ہے کہ وہ کئی سال قبل ابتدائی درجے کے لمفوما کینسر میں مبتلا ہوئیں، لیکن دعا، قرآن پاک کی تلاوت اور روحانی عبادتوں کے ذریعے مکمل صحت یاب ہوگئیں۔

ونیزہ احمد نے ندا یاسر کے مارننگ شو میں گفتگو کرتے ہوئے بتایا کہ فیشن کیریئر کے دوران مسلسل بیرون ملک سفر کے دوران انہیں شدید سر درد رہنے لگا۔ ابتدائی طور پر ڈاکٹرز نے میننجائٹس کی تشخیص دی، مگر بعد میں ٹیسٹ کے نتیجے میں لمفوما کینسر سامنے آیا۔

اداکارہ کے مطابق، “مجھے یقین ہی نہیں آیا کہ مجھے کینسر ہو سکتا ہے۔ ڈاکٹرز نے کہا یہ زیرو اسٹیج پر ہے، لیکن خوف تھا۔ پھر میں ایک روحانی خاتون کے پاس گئی جنہوں نے قرآن پاک کی سورتیں پڑھنے اور دعا کرنے کا مشورہ دیا۔”

ونیزہ احمد نے کہا کہ انہوں نے کیموتھراپی یا آپریشن نہیں کروایا، بلکہ صرف دعا، ذکر اور قرآن کی تلاوت پر بھروسہ کیا۔ چند ہفتوں میں رپورٹس مکمل صاف آگئیں اور آج وہ بالکل صحت مند زندگی گزار رہی ہیں۔

اداکارہ نے مزید کہا کہ بیماریوں سے نجات کے لیے ایمان، صبر اور دعا سب سے بڑی دوا ہیں۔