لاہور کی فضا زہریلی، ائیر کوالٹی خطرناک حد تک گر گئی

لاہور ایک بار پھر شدید فضائی آلودگی کی لپیٹ میں آ گیا ہے، شہر میں ائیر کوالٹی انڈیکس (AQI) خطرناک سطح 358 تک پہنچ گیا۔ محکمہ ماحولیات پنجاب کے مطابق گوجرانوالہ میں اے کیو آئی 500، سرگودھا میں 347، فیصل آباد میں 306، ملتان میں 304 اور ڈی جی خان میں 244 ریکارڈ کیا گیا۔

اعداد و شمار کے مطابق لاہور کے سب سے آلودہ علاقوں میں ملتان روڈ اور جی ٹی روڈ شامل ہیں، جہاں اے کیو آئی 500 تک جا پہنچا۔ شاہدرہ میں 391، سفاری پارک میں 377، جبکہ کاہنہ اور پنجاب یونیورسٹی کے علاقوں میں 335 ریکارڈ کیا گیا۔

ماہرینِ صحت نے شہریوں کو غیر ضروری طور پر باہر نکلنے سے گریز اور ماسک کے استعمال کی ہدایت دی ہے، جبکہ محکمہ ماحولیات نے اسموگ سے نمٹنے کے لیے اضافی اقدامات پر غور شروع کر دیا ہے۔