نئی کابینہ تشکیل تک خیبر پختونخوا میں بھرتیوں اورتبادلوں پرپابندی عائد

خیبر پختونخوا حکومت نے نئی کابینہ کی تشکیل تک صوبے میں بھرتیوں، پوسٹنگز اور تبادلوں پر پابندی عائد کر دی ہے۔

وزیراعلیٰ سیکریٹریٹ کی جانب سے آئی جی پولیس، چیف سیکریٹری اور تمام محکموں کے سربراہان کو اس حوالے سے باضابطہ ہدایات جاری کر دی گئی ہیں۔

اعلامیے کے مطابق، صرف ہنگامی نوعیت کی تقرریاں یا تبادلے وزیراعلیٰ کی منظوری سے کیے جا سکیں گے، جب کہ نئی بھرتیوں، تبادلوں اور پوسٹنگز کا جاری عمل عارضی طور پر معطل رہے گا۔

اعلیٰ افسران کو ہدایت کی گئی ہے کہ وہ پابندی سے متعلق احکامات پر سختی سے عمل درآمد یقینی بنائیں۔