پی پی کی وزیراعظم آزاد کشمیر کو استعفیٰ دینے کی مہلت،انوارالحق کامقابلہ کرنے کافیصلہ

مظفرآباد: پیپلز پارٹی نے وزیراعظم آزاد کشمیر کو استعفیٰ دینے کی دوپہر 2 بجے تک مہلت دے دی

مظفرآباد: پاکستان پیپلز پارٹی نے وزیراعظم آزاد کشمیر چوہدری انوار الحق کو پیغام بھیجا ہے کہ وہ دوپہر 2 بجے تک استعفیٰ دے دیں، بصورتِ دیگر تحریک عدم اعتماد فائل کر دی جائے گی۔

ذرائع کے مطابق پیپلز پارٹی کو 36 ارکان کی حمایت حاصل ہے۔ دوسری جانب وزیراعظم چوہدری انوار الحق نے تحریک عدم اعتماد کا مقابلہ کرنے کا فیصلہ کیا ہے اور کہا ہے کہ اگر نمبرز پورے ہیں تو تحریک عدم اعتماد لائی جائے۔

خیال رہے کہ گزشتہ روز پاکستان پیپلز پارٹی اور مسلم لیگ ن نے وزیراعظم کے خلاف تحریک عدم اعتماد پر اتفاق کیا تھا، جبکہ مسلم لیگ ن آزاد کشمیر کی پارلیمانی پارٹی اور وفاقی پارٹی کا اجلاس بھی آج ہوگا جس میں پاکستان پیپلز پارٹی کے ساتھ تعاون کی حکمت عملی طے کی جائے گی۔