صادق آباد میں دہشتگردوں کا علاج کرنے پر 2 ڈاکٹرز سمیت 6 افراد گرفتار

رحیم یار خان: پولیس نے صادق آباد میں دہشتگردوں کا علاج کرنے پر 2 ڈاکٹرز سمیت6 سے زائد افراد کو گرفتار کرلیا۔

نجی ٹی وی کے مطابق بلوچستان کے دہشت گرد کمانڈر فاروق کا نجی اسپتال میں علاج کیا گیا۔ علاج  ڈاکٹر راؤ ندیم اور ڈاکٹر عثمان نے کیا۔پولیس کا کہنا ہے کہ ڈاکٹرز نے دہشتگرد کے علاج کا ڈیٹا درج نہیں کیا، تفتیش پر ڈاکٹرز اور عملے نے پولیس سے ہاتھا پائی کی اور اسپتال سے نکال دیا۔

پولیس نے ڈاکٹر اور عملے سمیت 6 سے زائد افراد کیخلاف مقدمہ درج کرکے تمام افراد کو گرفتار کرلیا۔