پشاور پولیس کا بڑا کارنامہ،10 کلومیٹر رینج والا ہائی ٹیک ڈرون تیار

پشاور: پشاور پولیس نے جدید ٹیکنالوجی میں اہم پیش رفت کرتے ہوئے 10 کلومیٹر رینج اور لیزر سسٹم سے لیس ہائی ٹیک ڈرون تیار کرلیا ہے۔

سینٹرل پولیس آفس کے مطابق یہ ڈرون نوشہرہ پولیس سینٹر میں کامیاب تجربے سے گزرا اور 10 کلوگرام تک وزن اٹھانے کی صلاحیت رکھتا ہے۔

ڈرون میں نائٹ وژن سرویلنس کیمرے، ٹیئر گیس شیلز اور مارٹر گولے نصب کیے جا سکتے ہیں، جب کہ یہ آٹو انفارمیشن سسٹم سے لیس ہے۔

55 کلو وزنی اور 2 میٹر لمبا یہ ڈرون 36 کلومیٹر فی گھنٹہ کی رفتار سے پرواز کرسکتا ہے اور تقریباً ایک گھنٹے تک ایک ہزار میٹر کی بلندی پر مسلسل اڑان بھرنے کی صلاحیت رکھتا ہے۔