ایل پی جی فی کلو 5 روپے 88 پیسے سستی

اسلام آباد: آئل اینڈ گیس ریگولیٹری اتھارٹی (اوگرا) نے مائع پیٹرولیم گیس ( ایل پی جی) کی قیمت میں کمی کردی۔

نوٹیفکیشن کے مطابق  یکم نومبر سے ایل پی جی فی کلو 5 روپے 88 پیسے سستی کر دی گئی ہے۔اس کمی کے بعد ایل پی جی کا 11.8کلو گرام کا گھریلو سلنڈر 69 روپے 44 پیسے سستا ہوگیا۔

نوٹیفکیشن کے مطابق ایل پی جی کے گھریلو سلنڈر کی نئی قیمت 2378 روپے 89 پیسے مقرر ہوگئی ہے۔ایل پی جی کی فی کلو نئی قیمت 201روپے 60 پیسے ہوگئی ہے۔

واضع رہے کراچی شہر میں انتظامیہ کی غفلت اور نااہلی کی وجہ سے  مقررہ قیمت پر ایلپی جی دستیاب نہیں، غریب علاقوں کے عوام مہنگے داموں ایلپی جی خریدنے پر مجبور ہیں۔