چین کا نیا خلائی مشن شین ژو 21 کامیابی سے روانہ

چین نے اپنا جدید خلائی مشن شین ژو 21 کامیابی سے روانہ کر دیا ہے۔ چینی میڈیا کے مطابق یہ مشن تیانگونگ خلائی اسٹیشن کے لیے بھیجا گیا ہے اور اس میں چین کے سب سے کم عمر خلاباز سمیت تین خلاباز شامل ہیں۔ مشن کے دوران خلاباز تقریباً چھ ماہ تک خلا میں رہیں گے۔

شین ژو 21 کو شمال مغربی چین کے جیوچوان سیٹلائٹ لانچ سینٹر سے روانہ کیا گیا۔ یہ تیانگونگ خلائی مرکز سے اب تک کا ساتواں خلائی مشن ہے، جس کا آغاز 2022 میں ہوا تھا۔

چینی حکام نے اس مشن کو چین کے بڑھتے ہوئے خلائی پروگرام کے لیے ایک اہم قدم قرار دیا ہے، جو ملک کی خلا میں پیش رفت اور سائنسی تحقیقات میں اضافے کی عکاسی کرتا ہے۔