سعودی عرب کے ’اسکائی اسٹیڈیم‘ کی وائرل ویڈیو جعلی قرار

سوشل میڈیا پر سعودی عرب کے مبینہ ’اسکائی اسٹیڈیم‘ کی ویڈیو دراصل مصنوعی ذہانت (AI) سے تخلیق کردہ نکلی۔

عالمی خبر ایجنسی کے مطابق ویڈیو کو غلط طور پر 2034ء فٹبال ورلڈ کپ کے مجوزہ اسٹیڈیم کا ڈیزائن سمجھا گیا، تاہم اس کا سعودی حکومت یا کسی سرکاری منصوبے سے کوئی تعلق نہیں ہے۔

اے آئی ویڈیو بنانے والے تخلیق کار نے وضاحت کی کہ یہ صرف ایک تخیلاتی تصور تھا اور اسے کسی سرکاری منصوبے کے تحت تیار نہیں کیا گیا۔

واضح رہے کہ ’اسکائی اسٹیڈیم‘ کی یہ ویڈیو دنیا بھر میں 5 کروڑ سے زائد بار دیکھی جا چکی ہے اور سوشل میڈیا پر وائرل ہوچکی ہے۔