کراچی: ٹریفک پولیس اہلکار کا ای چالان سے بچنے کا انوکھا طریقہ

کراچی میں ٹریفک پولیس کے ایک اہلکار کی جانب سے ای چالان سے بچنے کے لیے انوکھا طریقہ اپنانے کی ویڈیو سوشل میڈیا پر وائرل ہوگئی۔

ویڈیو میں دیکھا جا سکتا ہے کہ اہلکار نے اپنی موٹر سائیکل کی نمبر پلیٹ پر موجود اعداد جان بوجھ کر مٹا دیے ہیں تاکہ ای چالان سسٹم میں شناخت نہ ہو سکے۔

عینی شاہد کے مطابق ویڈیو ایکسپو سینٹر کے قریب بنائی گئی، جہاں شہری نے یہ منظر کیمرے میں محفوظ کر کے سوشل میڈیا پر شیئر کر دیا۔

ایکسپو سینٹر کے قریب ٹریفک پولیس اہلکار کی ای چالان سے بچنے کے زبردست جگاڑ

اہلکار نے اپنے اس عمل سے شہریوں کو دیکھایا ہے کہ گاڑی کی نمبر پلیٹ پر ہلکی سی مٹی یا ٹیپ لگا لیں تاکہ کیمرہ نمبر صاف نہ پڑھ سکے، یوں ای چالان سے بچا جا سکتا ہے۔ pic.twitter.com/VuEezapMa5

— کراچی میری جان (@AmirRauf3) November 2, 2025

ویڈیو میں ٹریفک اہلکار کو بائیں جانب مڑتے ہوئے دائیں جانب کا انڈیکیٹر آن کیے بھی دیکھا جا سکتا ہے۔

شہریوں نے سوشل میڈیا پر اس اقدام پر شدید تنقید کرتے ہوئے کہا کہ قانون نافذ کرنے والے خود ہی قوانین کی خلاف ورزی کر رہے ہیں۔

ذرائع کے مطابق ٹریفک پولیس حکام نے واقعے کا نوٹس لیتے ہوئے اہلکار کی شناخت اور کارروائی کے لیے انکوائری شروع کر دی ہے۔