آڈیو لیکس کیس دوسری عدالت کو منتقل

 

اسلام آباد: بانی پی ٹی آئی عمران خان کی اہلیہ بشریٰ بی بی اور سابق چیف جسٹس ثاقب نثار کے بیٹے نجم ثاقب کے خلاف آڈیو لیکس کیس میں اہم پیشرفت سامنے آئی ہے۔

آڈیو لیکس کیس کو جسٹس بابر ستار کی عدالت سے منتقل کر کے جسٹس اعظم خان کی عدالت میں مقرر کر دیا گیا ہے۔ مقدمے کی منتقلی جسٹس بابر ستار کا سنگل بینچ ختم ہونے کے باعث عمل میں آئی۔

ذرائع کے مطابق سابق چیف جسٹس کے بیٹے نجم ثاقب اور سابق خاتونِ اول بشریٰ بی بی کی آڈیو لیکس کے خلاف دائر درخواستوں پر سماعت اب کل، 4 نومبر کو جسٹس اعظم خان کریں گے۔

واضح رہے کہ سپریم کورٹ نے اس کیس میں اسلام آباد ہائیکورٹ کو مزید کارروائی سے روک دیا تھا اور حکمِ امتناع جاری کیا تھا۔ یہ درخواستیں بشریٰ بی بی اور نجم ثاقب کی جانب سے دائر کی گئی تھیں۔