قانون کی حکمرانی میں ڈنمارک دنیا کا نمبر ون ملک قرار

اسلام آباد: عالمی سطح پر قانون کی حکمرانی کے حوالے سے جاری کردہ 2025 رول آف لا انڈیکس میں ڈنمارک نے ایک بار پھر دنیا کے سب سے قانون پسند ملک کا درجہ حاصل کیا ہے، جبکہ پاکستان کی پوزیشن 130ویں نمبر پر برقرار رہی۔

غیرملکی میڈیا کے مطابق ورلڈ جسٹس پروجیکٹ (WJP) کی رپورٹ میں بتایا گیا ہے کہ دنیا کے 68 فیصد ممالک میں گزشتہ سال کے مقابلے میں قانون کی بالادستی میں کمی دیکھی گئی ہے۔

رپورٹ کے مطابق ڈنمارک پہلے، ناروے دوسرے، فن لینڈ تیسرے اور سویڈن چوتھے نمبر پر رہے۔
دوسری جانب امریکا کی درجہ بندی 27ویں نمبر پر آگئی، جبکہ چین کی پوزیشن بہتر ہو کر 92ویں نمبر پر پہنچ گئی۔

پاکستان بدستور 130ویں نمبر پر برقرار ہے، جبکہ بھارت 79ویں پوزیشن پر موجود ہے۔
فہرست کے آخر میں وینزویلا 143ویں اور افغانستان 142ویں نمبر پر شامل ہیں۔

رپورٹ کے مطابق دنیا بھر میں حکومتی اختیارات پر پابندیوں میں کمی اور آمرانہ رجحانات میں اضافے کے باعث قانون کی حکمرانی کو خطرات لاحق ہو رہے  ہیں۔