امریکا کا سعودی عرب کو 48 ایف-35 طیارے دینے پر غور

امریکا کی جانب سے سعودی عرب کو جدید 48 ایف-35 لڑاکا طیارے فروخت کرنے پر غور کیا جا رہا ہے۔

خبر ایجنسی کے مطابق سعودی عرب نے ایف-35 طیارے خریدنے کی باضابطہ درخواست دی تھی، جس کے بعد امریکی انتظامیہ اس معاہدے کا جائزہ لے رہی ہے۔

ذرائع کے مطابق اربوں ڈالر مالیت کے اس ممکنہ معاہدے کی حتمی منظوری ٹرمپ کابینہ اور کانگریس سے لی جائے گی، تاہم پینٹاگون، وائٹ ہاؤس اور محکمہ خارجہ نے اس حوالے سے تاحال کوئی تبصرہ نہیں کیا۔

واضح رہے کہ سعودی عرب نے سال کے آغاز میں امریکی صدر ڈونلڈ ٹرمپ سے براہِ راست ایف-35 طیارے فراہم کرنے کی درخواست کی تھی۔ پینٹاگون کے مطابق فروخت سے متعلق فیصلہ ابھی زیر غور ہے۔