پنجاب اسمبلی غیر قانونی بھرتی کیس،پرویز الٰہی کی حاضری معافی کی درخواست منظور

پنجاب اسمبلی میں غیر قانونی بھرتیوں کے کیس میں سابق وزیراعلیٰ پنجاب پرویز الٰہی کی ایک روزہ حاضری معافی کی درخواست عدالت نے منظور کر لی۔

سماعت کے دوران پرویز الٰہی کے وکیل نے عدالت میں میڈیکل رپورٹ جمع کروائی، جب کہ محمد خان بھٹی سمیت دیگر ملزمان عدالت میں پیش ہوئے۔

اینٹی کرپشن عدالت لاہور کے جج جاوید اقبال واڑیچ نے کیس کی سماعت کی اور آئندہ سماعت پر پرویز الٰہی سمیت تمام ملزمان کو فردِ جرم عائد کرنے کے لیے طلب کر لیا۔

عدالت نے کیس کی مزید سماعت 27 نومبر تک ملتوی کر دی۔