علیمہ خان کے 8ویں مرتبہ ناقابل ضمانت وارنٹ گرفتاری جاری، 12 بینک اکاؤنٹس منجمد

راولپنڈی کی انسداد دہشت گردی عدالت نے علیمہ خان کے تھانہ صادق آباد میں درج مقدمے میں مسلسل غیر حاضری پر 8ویں مرتبہ ناقابل ضمانت وارنٹ گرفتاری جاری کر دئے۔

26 نومبر احتجاج کے کیس میں علیمہ خان اور ان کے وکلا آج بھی عدالت میں پیش نہیں ہوئے۔

سماعت کے موقع پر علیمہ خان کے بینک اکاؤنٹس منجمد کرنے کے حوالے سے رپورٹ عدالت پیش کر دی گئی۔رپورٹ کے مطابق علیمہ خان کے 12 بینک اکاؤنٹس منجمد کر دیئے  گئے ہیں ۔

عدالت نے علیمہ خان کی جائیداد اور کمپنیز سے متعلق تفصیلات بھی پیش کرنے کی ہدایت کر دی۔