عام تعطیل کا اعلان

نوابشاہ میں حضرت سید اصغر علی شاہ المعروف سخی جام داتار کے سالانہ عرس کے موقع پر پیر 17 نومبر کو ضلع بھر میں عام تعطیل کا اعلان کردیا گیا ہے۔

ڈپٹی کمشنر نوابشاہ کی جانب سے جاری نوٹیفکیشن کے مطابق تمام سرکاری دفاتر، تعلیمی ادارے اور عوامی محکمے اس روز بند رہیں گے۔ ضلعی انتظامیہ اور پولیس حکام نے عرس کے موقع پر سیکیورٹی، ٹریفک اور صفائی کے خصوصی انتظامات مکمل کر لیے ہیں۔

سخی جام داتار کے تین روزہ سالانہ عرس کی سرکاری تقریبات 17 نومبر سے 19 نومبر تک جام صاحب شہر میں جاری رہیں گی۔ شہری حلقوں میں خوشی کی لہر دوڑ گئی ہے کیونکہ اتوار کی چھٹی کے ساتھ پیر کی عام تعطیل ہونے سے طلبہ اور شہری دو دن کے طویل ویک اینڈ سے لطف اندوز ہوں گے۔