وفاقی کابینہ نے 27 ویں آئینی ترمیم کی منظوری دے دی، آج سینیٹ میں پیش ہونے کا امکان

وفاقی کابینہ نے 27 ویں آئینی ترمیم کے مسودے کی منظوری دے دی ہے، جس کی صدارت وزیراعظم شہباز شریف نے باکو سے ویڈیو لنک کے ذریعے کی۔ وزیر قانون اعظم نذیر تارڑ اور اٹارنی جنرل منصور عثمان اعوان نے ترمیم پر تفصیلی بریفنگ دی۔

کابینہ کی منظوری کے بعد امکان ہے کہ یہ آئینی ترمیم آج ہی سینیٹ میں پیش کی جائے، اور بعد میں جوائنٹ کمیٹی میں بھی زیر بحث آئے تاکہ شقوں پر تفصیلی گفتگو ہو سکے۔ ترمیم کے تحت وفاقی آئینی عدالت کے قیام، ججز کے تبادلے اور سینیٹ اراکین کی مدت سے متعلق تجاویز شامل ہیں، جس سے عدلیہ اور پارلیمان کے نظام میں شفافیت اور اعتماد کو فروغ ملے گا۔