روس کے یوکرین پر ڈرون اور میزائل حملے،6 افراد ہلاک،متعدد زخمی

کیف: روس کی جانب سے یوکرین کے توانائی نظام اور رہائشی عمارتوں پر شدید میزائل اور ڈرون حملے کیے گئے، جن میں کم از کم 6 افراد ہلاک اور متعدد زخمی ہوگئے۔

یوکرینی حکام کے مطابق Dnipro شہر میں ایک رہائشی عمارت پر حملے میں 2 افراد جان سے گئے اور 12 زخمی ہوئے، جبکہ Zaporizhzhia میں 3 ہلاکتوں کی تصدیق ہوئی ہے۔

حکام کا کہنا ہے کہ روس نے ملک بھر میں 25 مقامات کو نشانہ بنایا، جن میں دارالحکومت کیف بھی شامل ہے۔ حملوں سے خارکیف اور کیف کے علاقوں میں بڑی توانائی تنصیبات متاثر ہوئیں اور متعدد علاقوں میں بجلی منقطع ہوگئی۔

یوکرینی فضائیہ کے مطابق روس نے رات کے وقت 450 سے زائد ڈرونز اور 45 میزائل فائر کیے، جن میں سے 9 میزائل اور 406 ڈرونز تباہ کر دیے گئے۔

دوسری جانب روسی وزارتِ دفاع نے دعویٰ کیا ہے کہ اس کی افواج نے 79 یوکرینی ڈرونز کو مار گرایا۔

یوکرینی وزارتِ توانائی کے مطابق Dnipro سمیت کئی علاقوں میں بجلی کی فراہمی متاثر ہوئی ہے۔

روسی حکام کا کہنا ہے کہ یہ حملے یوکرینی فوجی صلاحیتوں کو کمزور کرنے کے لیے کیے گئے، جبکہ یوکرینی صدر وولودیمیر زیلینسکی نے مطالبہ کیا ہے کہ روس پر توانائی کے شعبے سے متعلق مغربی پابندیوں میں کوئی نرمی نہ کی جائے۔