کویت نے سپر سکسز کے سیمی فائنل میں انگلینڈ کو شکست دیدی

کویت نے ہانگ کانگ سپر سکسز کے دوسرے سیمی فائنل کے سنسنی خیز مقابلے میں انگلینڈ کو 37 رنز سے شکست دے کر ٹورنامنٹ کے فائنل میں جگہ بنا لی ہے۔

میچ میں کویتی بلے بازوں نے جارحانہ بیٹنگ کا مظاہرہ کرتے ہوئے محض 5.5 اوورز میں 142 رنز کا پہاڑ کھڑا کیا۔

کویت کی جانب سے مِیت بھوسار نے شاندار اننگز کھیلتے ہوئے صرف 15 گیندوں پر 62 رنز بنائے، جس میں 6 چوکے اور 6 چھکے شامل تھے۔

عدنان ادریس نے 8 گیندوں پر 30 رنز بنائے جبکہ رویجا سندارووان 20 رنز بنا کر ناٹ آؤٹ رہے۔ کپتان یاسین پٹیل نے بھی صرف 3 گیندوں پر 11 رنز کا مختصر مگر مؤثر حصہ ڈالا۔