قومی کرکٹر حسن نوازبیٹے کے باپ بن گئے

کراچی: پاکستان کے انٹرنیشنل کرکٹر حسن نواز کے گھر بیٹے کی ولادت ہوئی ہے۔

ذرائع کے مطابق حسن نواز نے اپنے نومولود بیٹے کا نام محمد ابراہیم رکھا ہے۔

واضح رہے کہ قومی سلیکشن کمیٹی نے شارجہ کے تین ملکی ٹورنامنٹ، ایشیا کپ، جنوبی افریقہ کی ٹی ٹوئنٹی اور ون ڈے سیریز میں غیر تسلی بخش کارکردگی کے بعد سری لنکا سیریز کے لیے حسن نواز کو اسکواڈ سے ڈراپ کرکے فخر زمان کو شامل کیا ہے۔

پی سی بی کے مطابق حسن نواز کو قائداعظم ٹرافی میں شرکت کی ہدایت کی گئی ہے، جس کا ساتواں مرحلہ 11 نومبر سے شروع ہوگا۔