دبئی:ائیر ٹیکسی کی پہلی آزمائشی پرواز کامیابی سے مکمل

دبئی میں اڑنے والی ائیر ٹیکسی کی پہلی آزمائشی پرواز کامیابی سے مکمل ہوگئی ہے۔ اماراتی حکومت نے اعلان کیا ہے کہ یہ سروس 2026 میں عوام کے لیے دستیاب ہوگی۔

تفصیلات کے مطابق دبئی اور العین کے درمیان صحرائی علاقے مرغم سے ائیر ٹیکسی نے اُڑان بھری اور دبئی کے المکتوم ائیرپورٹ تک پرواز مکمل کی۔ حکام کا کہنا ہے کہ ائیر ٹیکسی 320 کلومیٹر فی گھنٹہ کی رفتار سے پرواز کرے گی اور اس میں چار مسافروں کی گنجائش ہوگی۔ یہ الیکٹرک ائیر ٹیکسی ماحول دوست ہے اور شور بھی کم کرے گی۔

اماراتی حکام کے مطابق شہری علاقوں میں ائیر ٹیکسی کی مزید تجرباتی پروازوں کا منصوبہ تیار کیا گیا ہے جبکہ اسکائی پورٹس کمپنی دبئی انٹرنیشنل ائیرپورٹ کے قریب اپنا پہلا ائیر ٹیکسی اسٹیشن بنا رہی ہے۔