متحدہ عرب امارات میں دو دن کی عام تعطیل کا اعلان

 متحدہ عرب امارات کی وزارت کی جانب سے جاری بیان میں کہا گیا ہے کہ 2 اور 3 دسمبر (منگل اور بدھ) کو عام تعطیل ہوگی، جس کے بعد سرکاری اور نجی شعبے کے ملازمین کو پانچ دن میں چار چھٹیاں ملیں گی۔

یاد رہے کہ امارات میں ہفتہ وار چھٹی سنیچر اور اتوار کو ہوتی ہے، اس لیے قومی دن کی تعطیل کے ساتھ ملازمین کو اضافی چھٹیاں ملیں گی۔ سرکاری شعبے کے ملازمین اور کارکن بھی اسی طرح چار دن کی چھٹی سے مستفید ہوں گے۔

واضح رہے کہ متحدہ عرب امارات کا قومی دن ہر سال 2 دسمبر کو منایا جاتا ہے۔ اس دن 1971 میں متحدہ عرب امارات کا قیام عمل میں آیا تھا، جب ابوظبی، دبئی، شارجہ، عجمان، ام القوین، راس الخیمہ اور فجیرہ ریاستیں متحد ہو کر ایک ملک بنیں، جسے متحدہ عرب امارات کا نام دیا گیا۔