تیمور سلیم جھگڑا کو  بیرون ملک جانے سے روک دیا گیا

پاکستان تحریک انصاف  کے رہنما تیمور سلیم جھگڑا کو  بیرون ملک جانے سے روک دیا گیا۔

سوشل میڈیا سائٹ ایکس پر جاری بیان میں تیمور جھگڑا نے کہا کہ  میں ایک تقریب میں شرکت کے لیے واشنگٹن ڈی سی میں جارج ٹاؤن یونیورسٹی جا رہا تھا۔

انہوں نے کہا کہ باچاخان ائیرپورٹ پر امیگریشن حکام نے بیرون ملک جانےکی اجازت نہیں دی اور بتایا کہ میرا نام پی این آئی ایل  ہے، میرا  پاسپورٹ غیرفعال ہے۔

تیمور جھگڑا کا کہنا تھا کہ 10 دن پہلے سیکرٹری داخلہ کو خط لکھا، کوئی جواب نہیں ملا جس کے بعد خدشات کے باعث وزارت داخلہ جاکر خط خود جمع کرایا تھا۔