خیبر پختونخوا میں سنگین جرائم میں اضافہ:ایک سال میں 3,200 افراد قتل

پشاور: خیبر پختونخوا میں قتل، اقدام قتل اور اغواء کے واقعات میں تشویشناک اضافہ ریکارڈ کیا گیا ہے۔ پشاور پولیس کے جاری کردہ اعداد و شمار کے مطابق، 2024 میں جنوری سے اکتوبر کے دوران قتل کے 2,604 واقعات رپورٹ ہوئے جبکہ 2025 میں یہ تعداد بڑھ کر 3,200 تک پہنچ گئی۔ اقدام قتل کے 2,863 واقعات بھی گزشتہ سال رپورٹ ہوئے، اور اغواء کے واقعات 993 تک پہنچ گئے۔

چوری، گاڑی چوری اور ڈکیتی جیسے جرائم میں کمی دیکھنے میں آئی، جہاں چوری کے واقعات 2025 میں 1,173 اور گاڑی چوری 958 رہ گئے، جبکہ ڈکیتی کے 573 واقعات رپورٹ ہوئے۔

سی پی او پشاور نے کہا کہ قتل، اقدام قتل اور اغواء کے تدارک کے لیے مختلف اقدامات کیے جا رہے ہیں اور عوام سے اپیل کی گئی ہے کہ وہ مشکوک سرگرمیوں کی فوری اطلاع متعلقہ حکام کو دیں تاکہ جرائم کی روک تھام میں مدد مل سکے۔