کراچی،سفید گاڑیاں چوری کرنے والا گینگ سرگرم

 

 کراچی کے علاقوں گلستان جوہر اور گلشن اقبال میں سفید رنگ کی گاڑیاں چوری کرنے والا گینگ فعال ہو گیا ہے۔ پولیس کے مطابق گزشتہ ایک ہفتے کے دوران ملزمان پانچ گاڑیاں چوری کرکے فرار ہو چکے ہیں، جبکہ یہ وارداتیں صبح چھ سے دس بجے کے درمیان کی جاتی ہیں۔

پولیس نے بتایا کہ گینگ وارداتوں کے لیے ایک ہی گاڑی استعمال کرتا ہے اور ملزمان شناخت چھپانے کے لیے کیپ اور ماسک پہنتے ہیں۔ چوری کی گئی گاڑیاں اب تک برآمد نہیں ہوسکیں۔

تحقیقات میں یہ بات بھی سامنے آئی ہے کہ یہی گینگ اس سے قبل ناظم آباد کے علاقوں میں بھی اسی طرز کی وارداتیں کر چکا ہے۔