الیکشن کمیشن کا وفاقی دارالحکومت میں بلدیاتی انتخابات کرانے کا فیصلہ

 

 اسلام آباد: الیکشن کمیشن آف پاکستان نے وفاقی دارالحکومت میں بلدیاتی انتخابات کرانے کا فیصلہ کیا ہے۔

کمیشن کے محفوظ فیصلے کے مطابق، مقامی حکومت کے انتخابات کے لیے الیکشن کمیشن سرکاری افسران، عدلیہ یا دیگر سرکاری اداروں سے ریٹرننگ آفیسر (آر او)، ڈپٹی ریٹرننگ آفیسر (ڈی آر او) اور اسسٹنٹ ریٹرننگ آفیسر (اے آر او) تعینات کر سکتا ہے۔

واضح رہے کہ اسلام آباد میں بلدیاتی حکومت کی مدت 14 فروری 2021 کو مکمل ہوئی تھی۔ آئینی طور پر الیکشن کمیشن بلدیاتی حکومت کی مدت ختم ہونے کے 120 دن کے اندر انتخابات کرانے کا پابند ہے، تاہم 2021 کے بعد سے اب تک انتخابات نہیں ہو سکے تھے۔