اوورسیز پاکستانی خبردار:نادرا کی جعلی ویب سائٹ پکڑی گئی

 

نادرا نے بیرونِ ملک مقیم پاکستانیوں، خصوصاً برطانیہ میں رہنے والے شہریوں کو جعلی ویب سائٹ کے ذریعے دھوکہ دہی سے خبردار کر دیا ہے۔

نادرا کے مطابق ویب سائٹ "NADRA Card Centre” (nadra.cardcentre.co.uk) نادرا کے نام پر دھوکہ دہی میں ملوث ہے اور اس کا نادرا سے کوئی تعلق نہیں۔ یہ جعلی ویب سائٹ شناختی کارڈ، نائکوپ اور ملازمت فراہم کرنے کے جھوٹے دعوے کر رہی ہے۔

نادرا نے کہا کہ ان ویب سائٹس پر فراہم کی گئی ذاتی معلومات غلط استعمال کے خطرے میں ہو سکتی ہیں اور شہریوں کے لیے نقصان کا باعث بن سکتی ہیں۔ نادرا نے نیشنل سائبر کرائم ایجنسی کو باضابطہ شکایت بھی جمع کرا دی ہے اور اوورسیز پاکستانیوں سے درخواست کی ہے کہ وہ ان جعلی ویب سائٹس سے ہوشیار رہیں۔