Ummat News Latest Urdu News in Pakistan Politics Headlines Videos
راولپنڈی:سہ ملکی ٹی20 سیریز کے پہلے میچ میں پاکستان نے زمبابوے کو 5وکٹوں سے مات دیدی، زمبابوے نے پاکستان کو جیت کے لیے 148رنز کا ہدف دیا تھا۔
پاکستانی ٹیم نے 148 رنز کا ہدف 4 گیندوں پہلے 5 وکٹ کے نقصان پر حاصل کیا اور ایونٹ میں پہلی فتح اپنے نام کرلی۔
صائم ایوب 22، صاحبزادہ فرحان 16، کپتان سلمان علی آغا 1، بابر اعظم صفر پر پویلین لوٹ گئے۔عثمان خان نے 37 اور محمد نواز نے 20 رنز کی ناقابل شکست باری کھیلی اور ٹیم کو فتح سے ہمکنار کرایا۔
پاکستان کی جانب سے فخر زمان 44رنز بنا کر نمایاں رہے، آل رائونڈ کارکردگی پرمحمد نواز کو مین آف دی میچ قرار دیا گیا ۔زمبابوے کی جانب سے ناگروا میپوسا، کریمر نے ایک،ایک اور ایوناس نے دو کھلاڑی کو آؤٹ کیا۔
قبل ازیں راولپنڈی میں کھیلے جانے والے سیریز کے پہلے میچ میں پاکستان کی دعوت پر پہلے کھیلتے ہوئے زمبابوے نے مقررہ 20اوورز میں 8 وکٹوں کے نقصان پر 147رنز بنائے، زمبابوے کی جانب سے مارومانی نے 30، رینڈن ٹیلر نے 14اور ریال برل نے 8رنز بنائے۔
اِسی طرح برائن بینیٹ 49 بنا کر نمایاں رہے جب کہ سکندر رضا 34 رنز بنا کر ناٹ آؤٹ رہے ۔
پاکستان کی جانب سے محمد نواز نے 2 وکٹیں حاصل کیں، شاہین شاہ آفریدی، سلمان مرزا، صائم ایوب اور ابرار احمد نے ایک، ایک کھلاڑی کو آؤٹ کیا۔
