دنیا کی سب سے بڑی آٹو مارکیٹ بنانے کا منصوبہ شروع

دبئی نے دنیا کی سب سے بڑی اور جدید آٹو مارکیٹ قائم کرنے کے منصوبے کا باقاعدہ آغاز کر دیا ہے۔ منصوبے کا افتتاح متحدہ عرب امارات کے نائب وزیراعظم شیخ مکتوم بن محمد بن راشد المکتوم نے کیا۔

شیخ مکتوم کے مطابق اس مارکیٹ کا مقصد 2033 تک دبئی کی معیشت کو دگنا کرنا ہے۔ موجودہ وقت میں دبئی کی آٹو ٹریڈنگ کی مالیت 6.8 بلین درہم (تقریباً 51.4 ارب پاکستانی روپے) ہے، جسے دگنا کرنے کا منصوبہ بنایا گیا ہے۔

مارکیٹ کے اہم نکات:

• رقبہ: 2 کروڑ 20 لاکھ مربع فٹ
• سالانہ لین دین کی گنجائش: 8 لاکھ سے زائد گاڑیاں
• انفراسٹرکچر: 1,500 سے زائد شورومز، مخصوص ورکشاپ زونز، گودام، ملٹی سٹوری پارکنگ، آکشن ہاؤس، کنونشن سینٹر، ہوٹل، ریٹیل اور فوڈ اینڈ بیوریج آؤٹ لیٹس

منصوبہ دبئی کی تجارتی بندرگاہ جبل علی کے زیر انتظام ہوگا، جو گاڑیوں کی تجارت اور ری ایکسپورٹ کے عالمی نیٹ ورک کے باعث منتخب کیا گیا ہے۔

دبئی آٹو مارکیٹ الیکٹرک، ہائبرڈ اور روایتی گاڑیوں کی عالمی تجارت کو ایک جگہ سمیٹے گی اور افریقہ، مشرق وسطیٰ اور جنوب مشرقی ایشیا کے تیزی سے بڑھتے ہوئے بازاروں کو براہ راست جوڑے گی۔