جیفری ایپسٹین کی مزید دستاویزات جاری کرنے کے بل پرٹرمپ نے دستخط کر دیے

 

واشنگٹن: امریکی صدر ڈونلڈ ٹرمپ نے جیفری ایپسٹین سے متعلق مزید دستاویزات جاری کرنے کے بل پر دستخط کر دیے ہیں۔

یہ بل گزشتہ روز امریکی ایوان نمائندگان اور سینیٹ کی منظوری کے بعد صدر کے دستخط کے لیے بھیجا گیا تھا۔ جیفری ایپسٹین کو نوعمر لڑکیوں کے جنسی استحصال اور اسمگلنگ کے جرائم میں مجرم قرار دیا گیا تھا۔

صدر ٹرمپ نے اس سے پہلے کہا تھا کہ ہاؤس ریپبلکنز کو ایپسٹین فائلز کو جاری کرنے کے لیے ووٹ دینا چاہیے کیونکہ "ہمارے پاس چھپانے کے لیے کچھ نہیں ہے”۔

دستاویزات میں شامل 20 ہزار سے زائد صفحات کے مطابق، ڈیموکریٹس نے ایپسٹین کے جرائم کے حوالے سے ایسے انکشافات کیے جن میں ٹرمپ سے متعلق بھی معلومات سامنے آئی ہیں، جس میں بتایا گیا کہ صدر اس وقت ایپسٹین کے جرائم سے آگاہ تھے۔