پاکستانی چینلز پر بھارتی مواد:وفاقی آئینی عدالت نے نوٹس جاری کر دیے

اسلام آباد: وفاقی آئینی عدالت نے پاکستانی ٹی وی چینلز پر بھارتی مواد نشر کرنے کے معاملے پر سماعت کی۔ چیف جسٹس امین الدین خان کی سربراہی میں تین رکنی بینچ نے کیس کی سماعت کی اور فریقین کو نوٹس جاری کرتے ہوئے سماعت غیر معینہ مدت تک ملتوی کر دی۔

واضح رہے کہ 2016 میں پیمرا نے بھارتی مواد پاکستان میں نشر نہ کرنے کا فیصلہ کیا تھا، اور ابتدائی طور پر لائسنس کے تحت دس فیصد بھارتی مواد کی نشریات کی اجازت دی گئی تھی۔ 2017 میں لاہور ہائیکورٹ نے پیمرا کے نوٹیفکیشن کو معطل قرار دیا تھا۔