سنسنی خیز مقابلے کے بعدپاکستان شاہینز نے رائزنگ اسٹارز ایشیا کپ جیت لیا

 دوحہ: رائزنگ سٹارز ایشیا کپ میں پاکستان شاہینز نے سنسنی خیز مقابلے کے بعد بنگلہ دیش کو ہرا کرٹائٹل جیت لیا، احمد دانیال کو مین آف دی میچ اور  معاذ صداقت کو پلیئر آف دی سیریز قرار دیا گیا۔

دوحہ میں کھیلے گئے فائنل معرکے میں قومی ٹیم پہلے بیٹنگ کرتے ہوئے مقررہ 20 اوورز میں 125 رنز بنا کر آؤٹ ہو گئی۔

126 رنز کے ہدف کے تعاقب میں بنگلا دیش اے کی ٹیم نے مقررہ 20 اوورزمیں 125 زنز بنا کر میچ ٹائی کردیا، یوں فیصلہ سپر اوورز میں چلا گیا۔

سپر اوور میں بنگلا دیش کی ٹیم نے 6 رنز بنائے، بنگال ٹائیگر کی جانب سے ریپن مونڈول نے 8، عبدالغفار ثقلین ،15، ایس ایم مہروب 19رنز بنانے۔

قومی ٹیم کی جانب سے احمد دانیال نے 2کھلاڑیوں کو آؤٹ کیا، دوسری جانب قومی ٹیم نے 7رنز کا ہدف چار گیندوں پر پورا کرلیا۔

اس سے قبل پاکستان شاہینز نے بنگلادیش اے کو جیت کے لیے 126 رنز کا ہدف دیا تھا، پاکستان شاہینز کی پوری ٹیم 20 اوورز میں 125 رنز پر ڈھیر ہوگئی تھی۔

گرین شرٹس کے سعد مسعود نے 36، عرفات منہاس نے 25 اور معاذ صداقت 23 رنز بنائے جبکہ بنگلادیش کے ریپون منڈل نے 3، راکب الحسن نے 2 کھلاڑیوں کو آؤٹ کیا تھا۔

جواب میں بنگلادیش کی ٹیم شروع سے ہی پریشر میں نظر آئیم بیٹر وقفے وقفے سے وکٹیں پاکستانی بولرز کے حوالے کرتے رہے، جس کی وجہ سے ایک وقت آسان ہدف مشکل بن گیا۔

بنگلادیشی ٹیم کے 7 کھلاڑی صرف 53 رنز پر پویلین لوٹ گئے، یہی وہ موقع تھا، جب پاکستان کی دکھائی دینے لگی تھی، لیکن راکب الحسن 24 اور عبدالغفار 16 اور ریپون منڈل 11 رنز کی بدولت میچ برابر ہوگیا۔

پاکستان کے سفیان مقیم نے 3، احمد دانیال اور عرفات منہاس نے 2،2 اور معاذ صداقت اور سعد مسعود نے 1،1 حاصل کی۔

قبل ازیں بنگلادیش اے نے پاکستان شاہینز کے خلاف ٹاس جیت کر پہلے فیلڈنگ کرنے کا فیصلہ کیا ہے۔  میچ کے ٹاس کے لیے پاکستان شاہینز کے کپتان عرفان خان نیازی اور بنگلادیشی ٹیم کے قائد اکبر علی میدان میں اترے۔

گرین شرٹس کی فائنل الیون میں کپتان عرفان خان، یاسر خان، معاذ صداقت، محمد فائق، غازی غوری، سعد مسعود، عرفات منہاس، شاہد عزیز، سفیان مقیم، عبید شاہ اور احمد دانیال شامل ہیں۔

بنگلادیشی ٹیم میں کپتان اکبر علی، ذیشان عالم، حبیب الرحمٰن سوہان، یاسر علی، راکب الحسن، مہدی السلام، ایس ایم مہروب، محفوظ الرحمٰن ربی، ریپون منڈل، عبدالغفار ثقلین اور مرتنجوائے چوہدری شامل ہیں۔