پاکستان اسنوکر کا ٹیم ورلڈ کپ جیت گیا

اسنوکر ٹیم ورلڈ کپ 2025میں پاکستان نے ہانگ کانگ کو شکست دے کر ٹائٹل جیت لیا ہے۔

 

مسقط میں آئی بی ایس ایف ٹیم ورلڈ کپ فائنل میں پاکستان اور ہانگ کانگ کے درمیان بیسٹ آف فائیو فریمز کا مقابلہ پاکستان نے 2-3 سے جیت لیا۔

 

قومی کیوئسٹ اسجد اقبال اور محمد آصف پر مشتمل پاکستانی ٹیم نے ہانگ کانگ کے چا ہون مین اور نیسن وان کو شکست سے دو چار کیا۔

 

فائنل میں محمد آصف نے دونوں سنگلز میچز اپنے نام کیے، اسجد اقبال نے فیصلہ کن میچ میں کامیابی حاصل کرکے پاکستان کو ٹائٹل جتوایا۔
اسجد اقبال نے بیسٹ آف فائیو کے آخری میچ میں 104 پوائنٹس کا بریک مارا۔