طیارہ تیجس حادثہ،ہلاک بھارتی ونگ کمانڈر کی آخری رسومات ادا

 بھارت (اُمت نیوز)دبئی ایئر شو میں کرتب دکھانے کے دوران  حادثہ میں ہلاک بھارتی ونگ کمانڈر نماند سیال کی آخری رسومات ادا کردی گئی ہیں۔

دبئی ایئر شو میں بھارتی لڑاکا طیارہ تیجس کے حادثے میں ونگ کمانڈر نماند سیال ہلاک ہو گئے۔ ان کی اہلیہ، جو خود بھارتی فضائیہ میں حاضر سروس افسر ہیں، آخری رسومات میں شدید غم سے نڈھال دکھائی دیں۔ سانحے نے نہ صرف ان کے خاندان بلکہ دونوں ممالک کے حساس دل رکھنے والے افراد کو بھی افسردہ کر دیا۔

🔴 تیجس پائلٹ ونگ کمانڈر نمنش سیال جو کہ دبئی ائیر شو میں مظاہرے کے دوران جہاز گرنے سے جان کی بازی ہار گئے تھے، کے اہل خانہ کی ان کی آخری رسومات میں شرکت pic.twitter.com/vrM8Vb2wYc

— RTEUrdu (@RTEUrdu) November 23, 2025

حادثہ دبئی کے المکتوم انٹرنیشنل ایئرپورٹ پر منعقد ہونے والے ایئر شو کے آخری روز جمعے کو مقامی وقت کے مطابق دوپہر 2 بج کر 10 منٹ پر پیش آیا، جب تیجس طیارہ ایک فضائی مظاہرے میں حصہ لے رہا تھا۔

دبئی ایئر شو میں بھارت کا تیجس طیارہ تباہ ہونے کی مکمل ویڈیو
بھارتی میڈیا کا کہنا ہے کہ نیگٹیو جی منوور کا مظاہرہ کرتے ہوئے طیارہ جب زمین کی طرف گیا تو واپس نہ اٹھ سکا۔
دیگر رپورٹوں میں طیارے کی دیکھ بھال پر سوالات اٹھائے گئے ہیں۔ بھارتی حکام نے ایک روز قبل آئل لیک ہونے کے… pic.twitter.com/reKdC7Mrot

— Daily Ummat (@ummatdigitalpk) November 21, 2025

 

سوشل میڈیا پر حادثے کی کئی ویڈیوز گردش کر رہی ہیں، جن میں دیکھا جا سکتا ہے کہ کرتب دکھانے کے دوران طیارہ اچانک بے قابو ہو کر زمین کی طرف گر گیا اور ٹکرانے کے بعد آگ بھڑک اٹھی۔ حادثے کے نتیجے میں پائلٹ ونگ کمانڈر نماند سیال ہلاک ہو گئے، جن کا تعلق بھارت کی ریاست ہماچل پردیش سے تھا۔