لیگی رہنما عابد شیر علی ووٹ کی رازداری پامال کرنے پر طلب

فیصل آباد میں ریٹرننگ افسر نے (ن) لیگ کے رہنما عابد شیر علی کو ووٹ کی رازداری پامال کرنے پرنوٹس جاری کردیا۔

انتخابی ضابطہہ اخلاق کے مطابق بیلٹ پیپر پر مہر ووٹنگ شیلڈ کے عقب میں جا کر لگانا لازمی ہے لیکن عابد شیر علی نے ضابطہ اخلاق کی خلاف ورزی کی اور ان کی سرِعام بیلٹ پیپر پر مہر لگانے کی ویڈیو وائرل ہو ئی تھی۔

عابد شیر علی نے انتخابی عملے اور کئی افراد کی موجودگی میں شیر کے نشان پر مہر لگائی جس پر انہیں آج ضاحت کےلیے طلب کیا گیا ہے۔

فیصل آباد میں سابق وزیر مملکت پانی میں بجلی عابد شیر علی نے بھی الیکشن ضابطہ اخلاق کو پس پشت ڈال دیا,حلقہ پی پی 116 میں عابد شیر علی نے کیمرے آن کر کے ووٹ کاسٹ کیا.الیکشن کمیشن کی ووٹ کی رازداری کو یقینی بنانے کا حکم ہوا میں اڑا دیا گیا pic.twitter.com/MPCVPXzu2E

— Karamat Mughal (@karamatmughal) November 23, 2025

واضح رہے کہ مسلم لیگ (ن) نے ضمنی انتخابات میں میدان مارلیا، تحریک انصاف کی چھوڑی ہوئی تقریباً تمام نشستوں پر لیگی امیدوار کامیاب ہوئے۔

(ن) لیگ نے قومی اسمبلی کی تمام 6 نشستوں پر کامیابی سمیٹی جب کہ صوبائی اسمبلی کی بھی 7 میں سے 6 نشستیں (ن) لیگ کے حصے میں آئی، پیپلز پارٹی صوبائی اسمبلی کی صرف ایک نشست پر کامیابی حاصل کرسکی۔