ٹی 20 ٹرائی نیشن سیریز،زمبابوے اور سری لنکا آج مد مقابل ہونگے

 ٹی 20 ٹرائی نیشن سیریز کا پانچواں میچ آج زمبابوے اور سری لنکا کے درمیان راولپنڈی کرکٹ سٹیڈیم میں کھیلا جائے گا۔ دونوں ٹیمیں شام 6 بجے میدان میں اتریں گی۔

سیریز میں سری لنکا نے اب تک دو میچز کھیلے ہیں اور دونوں میں شکست ہوئی، جبکہ زمبابوے نے تین میچز میں سے ایک میں کامیابی حاصل کی اور دو میں شکست کھائی۔ دو روز قبل پاکستان نے زمبابوے کو 69 رنز سے شکست دے کر فائنل کے لیے کوالیفائی کر لیا تھا۔

دونوں ٹیموں نے آج کے میچ سے قبل راولپنڈی کرکٹ سٹیڈیم میں پریکٹس سیشن بھی کیا۔