کینیڈا میں خالصتان ریفرنڈم، ہزاروں سکھ شریک

کینیڈا کے شہر اوٹاوا میں سکھوں کی آزادی کے لیے ریفرنڈم کے دوران بھارت کے خلاف خالصتان کے حامی سکھوں کی بڑی تعداد میدان میں آئی۔

سکھ فار جسٹس کے سربراہ گرپتونت سنگھ پنوں کے مطابق اوٹاوا میں 53 ہزار سکھوں نے ریفرنڈم میں اپنا حق رائے دہی استعمال کیا۔

گرپتونت سنگھ پنوں نے کہا کہ کینیڈا میں ریفرنڈم مودی سرکار کی گولی اور بم کی پالیسیوں کے خلاف سیاسی جواب ہے اور مودی کی غاصبانہ پالیسیوں کی سیاسی موت بیلٹ کے ذریعے ہوگی۔

انہوں نے مزید کہا کہ 1984 کی سکھ نسل کشی کے بعد اب مودی سرکار پنجاب میں معاشی قتل کر رہی ہے۔